ពោធិ៍សាត់៖ សមត្ថកិច្ចនគរបាល នៃអធិការដ្ឋាននគរបាលស្រុកតាលោសែនជ័យ បានចេញប្រតិបត្តិការ ចុះបង្ក្រាបបទល្មើសគ្រឿងញៀន០២ករណី ដោយឃាត់មនុស្ស ចំនួន០៥នាក់ នៅថ្ងៃទី ០៨ ខែមេសា ឆ្នាំ ២០២១ ។
លោកវរសេនីយ៍ទោ ហេង នាង អធិការរង ទទួលផែនប្រឆាំងគ្រឿងញៀន នៃអធិការនគរបាលស្រុកតាលោសែនជ័យ បានប្រាប់ឲ្យដឹងថា ដោយមានការចង្អុលណែនាំ ពីលោកឧត្តមសេនីយ៍ទោ ស ថេង ស្នងការនគរបាលខេត្ត ក្នុងការបង្ការ ទប់ស្កាត់ បង្ក្រាបបទល្មើសគ្រឿងញៀន បានដឹកនាំកម្លាំងផ្នែកជំនាញអធិការដ្ឋានចំនួន០៥នាក់ សហការជាមួយ ប៉ុស្តិ៍ នគបាលរដ្ឋបាលតាលោ ០៣នាក់ បានចុះបង្ក្រាបបទល្មើសបានចំនួន០២ករណី ៖
១-នៅវេលាម៉ោង១៥និង៣០នាទី បានបង្ក្រាបករណីប្រើប្រាស់ និងចែកចាយដោយខុសច្បាប់នៅសារធាតុញៀន នៅចំណុចផ្ទះជនសង្ស័យ ឈ្មោះ ជា ជួន ហៅផេះ ភេទប្រុស ស្ថិតនៅភូមិគោករំលរ ឃុំតាលោ ។ ក្នុងប្រតិបត្តិការនោះកម្លាំងបានឃាត់ខ្លួនបានជនសង្ស័យចំនួន០៤នាក់ ៖ ទី១ឈ្មោះ ជា ជួន ហៅ(ផេះ) ភេទប្រុស អាយុ៣៥ឆ្នាំ រស់នៅគោករំល ឃុំតាលោ ជាម្ចាស់ផ្ទះ
២ ឈ្មោះ ដូត ណាវិន ភេទប្រុស រស់នៅគោករំល ឃុំតាលោ
៣ ឈ្មោះ ខន រ៉ា ភេទប្រុស អាយុ១៧ឆ្នាំ រស់នៅភូមិប្រហាល ឃុំតាលោ
៤-ឈ្មោះ ស៊ុយ សុផន ហៅ(ជ្រុង) ភេទប្រុស អាយុ៣០ឆ្នាំ រស់នៅភូមិប្រហាល ឃុំតាលោ ។
ក្នុងនោះដកហូតបានវត្ថុតាងរួមមាន ម្សៅក្រាមពណ៌សថ្លាសង្ស័យសារធាតុញៀនចំនួន០៥កញ្ចប់តូច, ទូរសព្ទ័០៤គ្រឿង និងដែកកេះចំនួន០១ ។
លោកអធិការរង បានបន្តថា នៅវេលាម៉ោង១៧ និង២៤នាទី សមត្ថកិច្ចយើងបានបង្ក្រាបករណីប្រើប្រាស់ដែលខុសច្បាប់នូវសារធាតុញៀន ០១ករណីទៀត នៅចំណុចខាងលិចមន្ទីរបក្ស ឃុំតាលោ ស្ថិតនៅភូមិតាលោ ឃុំតាលោ ឃាត់ខ្លួនបានជនសង្ស័យ ០១នាក់ ឈ្មោះ ខេម បូរី ភេទប្រុស អាយុ១៨ឆ្នាំ រស់នៅភូមិ.ឃុំកើតហេតុខាងលើ ដកហូតបានវត្ថុតាង ម្សៅក្រាមពណ៌សថ្លាសង្ស័យសារធាតុញៀន០១កញ្ចប់ ទម្ងន់១.៨៣ក្រាម ។
បច្ចុប្បន្ន ជនសង្ស័យ រួមនឹងវត្ថុតាង កម្លាំងជំនាញបានកសាងសំណុំរឿង បញ្ជូនទៅកាន់អធិការដ្ឋានដើម្បីចាត់ការតាមនីតិវិធីច្បាប់ ៕
