កម្ពុជាទទួលបានមេដាយមាស១បន្ថែមទៀត លើប្រភេទកីឡាចំបាប់ក្នុងព្រឹត្តិការណ៍កីឡាស៊ីហ្គេម

កីឡាករកម្ពុជា ស៊ូ បាលី ក្លាយជាម្ចាស់មេដាយមាសទី៥  ក្នុងព្រឹត្តិការណ៍កីឡាស៊ីហ្គេមលើក​ទី៣១​នៅវៀតណាម បន្ទាប់ពីបានយកឈ្នះលើប្រភេទកីឡាចំបាប់ នៅមុននេះបន្តិច។

កីឡាករ ស៊ូ បាលី ទទួលបានមេដាយមាស បន្ទាប់ពីបានយកឈ្នះកីឡាករឡាវក្នុងលទ្ធផល ១០-០ នៅវគ្គផ្តាច់ព្រ័ត្រ ក្នុងវិញ្ញាសានុ​រស​Freestyle ទម្ងន់១២៥គីឡូក្រាម។ 

នៅវគ្គពាក់កណ្តាលផ្តាច់ព្រ័ត្រ ស៊ូ បាលី ក៏បានយកឈ្នះម្ចាស់ផ្ទះវៀតណាម ១០-០ ផងដែរ ទើបអាចក្លាយជាម្ចាស់មេដាយមាសទី ៥ របស់កម្ពុជាក្នុងព្រឹត្តិការណ៍កីឡាស៊ីហ្គេម នៅវៀតណាម។