សមត្ថកិច្ចឃាត់ខ្លួន ប្រពន្ធនិងប្អូនស្រី ម្ចាស់ទូក និង អ្នកបើកទូក ,ចុះណែកប្តីរត់គេចខ្លួន ក្រោយមានហេតុការណ៍លិចទូកស្លាប់កូនសិស្ស១១នាក់

271

កណ្តាល៖ ប្រតិបត្តិការរុករាវរកសាកសពត្រូវបានបញ្ចប់ នៅវេលាម៉ោង៦ព្រឹក ថ្ងៃទី១៥ ខែតុលា ឆ្នាំ២០២២  ឈានដល់សមត្ថកិច្ចនគរបាល ឃាត់ខ្លួនប្រពន្ធម្ចាស់ទូក និងប្អូនស្រី ព្រមទាំងអ្នកបើកទូក ,ប្តីគេចខ្លួន ចាត់ការសួរតាមច្បាប់នៅអធិការដ្ឋាននគរបាលស្រុកលើកដែក  ក្រោយមានហេតុការណ៍លិចទូកស្លាប់កូនសិស្ស១១នាក់! ខណៈទូកចាស់ ពុកៗ ផ្ទុកលើសចំណុះ ! ។

សូមបញ្ជាក់ថា, លោកឧត្តមសេនីយ៍ទោ ឈឿន សុចិត្ត ស្នងការនគរបាលខេត្តកណ្តាល ធ្លាប់បានបញ្ជាក់ថា, មូលហេតុបណ្តាលអោយទូកលិច ក្នុងនោះ ទី១-ផ្ទុះមនុស្សលើសចំណុះ ទី២-អ្នកបើកបរទូកក្នុងល្បឿនលឿន ទី៣- អ្នកបើកបរធ្វេសប្រហែស ។ ដល់ពិនិត្យជាក់ស្តែងឃើញថា, ទូកចាស់ៗ ពុកៗ ទើបសមត្ថកិច្ចឃាត់ខ្លួនថៅកែទូកដរ ប្អូនស្រី អ្នកបើកទូក មកសួរនាំ ។ ដោយប្តីថៅកែទូកដរ បានគេចខ្លួន។ 

ករណីលិចទូកបណ្តាលអោយសិស្សានុសិស្ស១១នាក់បានស្លាប់ និងជួយសង្គ្រោះរួចផុតពីសេចក្តីស្លាប់បាន៤នាក់ បានកើតឡើងកាលពីវេលាម៉ោង៦និង៣០នាទី ល្ងាចថ្ងៃទី១៣ ខែតុលា ឆ្នាំ២០២២ នៅចំណុចភូមិ ឃុំកំពង់ភ្នំ ស្រុកលើកដែក ខេត្តកណ្តាល ។

សម្តេចតេជោ ហ៊ុនសែន នាយករដ្ឋមន្ត្រី នៃព្រះរាជាណាចក្រកម្ពុជា បានសំដែងនូវការសោកសង្រេង ចួលរួរំលែកទុក្ខដ៏សែនក្រៀមក្រំនេះជាមួយ ឪពុកម្តាយ ក្រុមគ្រួសារសពកុមារ ក្នុងនោះសម្តេចតេជោ មានប្រសាសន៍ថា, ខ្ញុំសូមចូលរួមរំលែកទុក្ខយ៉ាងក្រំបំផុតជាមួយបងប្អូនក្រុមគ្រួសារដែលបានបាត់បង់កូនៗនិងចៅៗជាទីស្រឡាញ់នៅក្នុងឧប្បទ្ទវហេតុលិចទូកចម្លងដឹកសិស្សានុសិស្សចេញពីសាលាទៅផ្ទះស្ថិតនៅឃុំកំពង់ភ្នំ ស្រុកលើកដែក ខេត្តកណ្តាល កាលពីយប់ថ្ងៃទី១៣ ខែតុលា ឆ្នាំ២០២២ ដែលបានបណ្តាលអោយស្លាប់ជាច្រើននាក់ និងមួយចំនួនត្រូវបានជួយសង្គ្រោះបន្ទាន់នៅមន្ទីរពេទ្យ និងមួយចំនួនទៀតនៅកំពុងបាត់ខ្លួននៅឡើយ។

សូមសមត្ថកិច្ចនិងអាជ្ញាធរពាក់ព័ន្ធទាំងអស់ចូលរួមបន្តស្វែងរកអ្នករងគ្រោះ និងចូលរួមដោះស្រាយជួយដល់បងប្អូនក្រុមគ្រួសារនៃសពនិងជនរងគ្រោះអោយបានទាន់ពេលវេលដ៏លំបាកបំផុតនេះ។

សូមបងប្អូនប្រជាពលរដ្ឋ ជាពិសេសដែលរស់នៅតាមមាត់ទន្លេមានការប្រុងប្រយ័ត្នខ្ពស់ក្នុងពេលដែលស្ថានភាពទឹកជំនន់កំពុងកើនឡើង៕

Turbo tech solutions
HQP