យុវជនម្នាក់បាន.ស្លា.ប់.បន្ទាប់ពីមានភ្លើងបានឆាបឆេះពេញខ្លួនសង្ស័យថាជាអំពើ.អ.ត្ត.ឃា.ត.ចាក់សាំង.ដុ.ត.ខ្លួនឯង

223

កណ្ដាល៖ យុវជនម្នាក់បានយកដបសាំងចំនួនកន្លះលីត្រទុកនៅក្បែរខ្លួន ខណៈកំពុងដេកលើអង្រឹង។ មួយសន្ទុះក្រោយមកប្រជាពលរដ្ឋឃើញមានផ្សែងភ្លើងក៏នាំគ្នាទៅមើលស្រាប់តែឃើញបុរសខាងលើមានសភាពរបួសធ្ងន់ដោយសារភ្លើងឆេះ រួចបញ្ជូនទៅមន្ទីរពេទ្យក៏ដាច់ខ្យល់ស្លាប់តែម្តង ដោយគេសង្ស័យថាការស្លាប់នេះគឺជនរងគ្រោះដុតខ្លួនឯងធ្វើអត្តឃាត ។  

ហេតុការណ៍នេះបានកើតឡើងកាលពីថ្ងៃទី១៧ ខែតុលា ឆ្នាំ២០២២ វេលាម៉ោង ១និង៣០នាទីនៅចំណុចដីឡូត៍ក្រោយផ្ទះរបស់ជនរងគ្រោះ ក្នុងភូមិព្រែកត្រែង សង្កាត់សិត្បូ ក្រុងតាខ្មៅ ខេត្តកណ្តាល។

មន្ត្រីនគរបាលក្រុងតាខ្មៅបានឱ្យដឹងថា ជនរងគ្រោះឈ្មោះ លីម សេរី ភេទប្រុស អាយុ២៨ឆ្នាំ ជនជាតិខ្មែរ មុខរបរនៅផ្ទះ ស្នាកនៅភូមិព្រែកត្រែង សង្កាត់សិត្បូ ក្រុងតាខ្មៅ ខេត្តកណ្តាល។

 ប្រភពដដែលបន្តថា តាមការបំភ្លឺរបស់ឈ្មោះ សុខ ហ៊ាង អាយុ៦៥ឆ្នាំ ដែលត្រូវជាម្តាយរបស់ជនរងគ្រោះបានឱ្យដឹងថា:  នៅថ្ងៃទី១៧ ខែតុលា ឆ្នាំ២០២២ វេលាម៉ោង១១និង០០នាទី ជនរងគ្រោះបាននៅផ្ទះដោយមិនបានទៅជួយមើលដំណាំបងទេ គឺបានដេកនៅលើអង្រឹងនៅរោងបាយដីឡូត៍ក្រោយផ្ទះ ដោយម្តាយជនរងគ្រោះបានដើរមកហៅអោយហូបបាយ ហើយជនរងគ្រោះប្រាប់ថាទៅមុនទៅចាំទៅតាមក្រោយ ។ លុះដល់ម៉ោង១២និង០០នាទីថ្ងៃខែដដែលក៏ទៅហៅជនរងគ្រោះម្តងទៀត ជនរងគ្រោះប្រាប់ថាមិនឃ្លានទេ ក៏ក្រឡេកមើលឃើញដបទឹកសុទ្ធមានសាំងក៏សួរថាយកមកធ្វើអី ជនរងគ្រោះនិយាយថាទុកចាក់ម៉ូតូក៏អត់ចាប់អារម្មណ៍ រហូតដល់ម៉ោង១៣និង០០នាទី ថ្ងៃខែដដែល ក៏ស្រាប់តែប្រជាពលរដ្ឋដែលធ្វើចម្ការជិតនោះឃើញមានភ្លើងឆេក៏រត់មកស្រែកហៅអ្នកផ្ទះជនរងគ្រោះឱ្យទៅមើល ពេលទៅដល់ឃើញជនរងគ្រោះត្រូវភ្លើងឆេះពេញខ្លួនប្រាណក៏បាននាំគ្នាយកភួយដាក់ទឹកយកទៅគ្រប និងខ្លះកាច់មែកឈើយកមកគ្របដើម្បីរំលត់ភ្លើង ហើយបានលើកជនរងគ្រោះមកដាក់លើកគ្រែ។ ដោយឃើញជនរងគ្រោះមានដង្ហើមក៏បានទាក់ទងទៅពេទ្យ តែមួយសន្ទុះក្រោយមកជនរងគ្រោះបានដាច់ខ្យល់ស្លាប់តែម្តង។ជនរងគ្រោះបានបែកបាក់ជាមួយប្រពន្ធរយៈពេល១៨ខែមកហើយ តែងតែផឹកស្រាជាប្រចាំ។បន្ទាប់មកក៏បានរាយការណ៍ជូនអាជ្ញាធរ និងសមត្ថកិច្ចផ្នែកជំនាញចុះមកពិនិត្យ រួចសន្និដ្ឋានជនរងគ្រោះស្លាប់ដោយសារដុតសម្លាប់ខ្លួនធ្វើអត្តឃាត។

សាកសពត្រូវបានប្រគល់ឱ្យក្រុមគ្រួសារយកទៅធ្វើបុណ្យតាមប្រពៃណី៕

Turbo tech solutions
HQP