ថៃ៖ ប៉ូលិសថៃបានស្នើសុំដីការចាប់ខ្លួនជនសង្ស័យចំនួន០៤នាក់ ចំពោះការជាប់ពាក់ព័ន្ធក្នុងការធ្វើឃាតអ្នកជំនួញអាល្លឺម៉ង់អាយុ៦២ឆ្នាំកាលពីថ្ងៃអង្គារ។ អ្នកត្រូវបានចាប់ខ្លួន ជាជនជាតិអាល្លឺម៉ង់បីនាក់ និងជនជាតិប៉ាគីស្ថានសញ្ជាតិថៃម្នាក់។
ការចាប់ខ្លួនត្រូវបានធ្វើឡើងក្រោយប៉ូលិសបានរកឃើញសាកសពកាត់ជាកំណាត់របស់លោកហានស៍ ផេធឺ រ៉ល់ធឺ ម៉ាក់ នៅក្នុងទូរទឹកកកនៅផ្ទះមួយក្នុងក្រុងប៉ាតាយ៉ាកាលពីព្រឹកថ្ងៃអង្គារ។ បញ្ជាក់ ជនរងគ្រោះបានបាត់ខ្លួនតាំងពី ថ្ងៃ០៤ កក្កដា។ ប៉ូលិសបានរកឃើញសាកសពលោកហានស៍ ផេធឺ រ៉ល់ធឺ ម៉ាក់ក្នុងទូរទឹកកករ ក្រោយតាមដានតាមកាម៉េរ៉ាសុវត្ថភាព។
មេរងប៉ូលិសជនជាតិថៃ លោកឧត្តមសេនីយ៍ ស៊ូរ៉ាឆាត ហាក់ផាន បាននិយាយថា ជនសង្ស័យជាផ្នែកនៃបណ្តាញក្រុមឧក្រិដ្ឋមួយ ពាក់ព័ន្ធនឹងជំនួញថ្នាំញៀនដោយប្រើប្រាស់ថៃជាមូលដ្ឋានមួយសំរាប់សកម្មភាពរបស់គេ។
លោក ស៊ូរ៉ាឆាត ក៏បានណែនាំទៅប៉ូលិសអន្តោប្រវេសន៍អោយចាត់ការបណ្តាញឧក្រិដ្ឋកម្មឆ្លងប្រទេសនៅក្រុងប៉ាតាយ៉ា និងឃុំ ណង ព្រើ ដើម្បីកុំអោយមានករណីចាប់ជំរិតប្រាក់បន្ថែមទៀត៕ លោក ស៊ូរ៉ាឆាត បាននិយាយថាក្រុមឧក្រិដ្ឋនៅប៉ាតាយ៉ា ក្នុងខេត្តឈុន ប៊ូរី នឹងជួបការបង្ក្រាបដោយប៉ូលិសក្រោយការចាប់ខ្លួនជនសង្ស័យដែលបានសម្លាប់អ្នកជំនួយអាល្លឺម៉ង់នៅក្នុងទីក្រុងនេះ។
