ភ្នំពេញ៖ ក្រសួងធនាធានទឹក និងឧតុនិយមបានប្រកាសឲ្យប្រជាពលរដ្ឋមានកាប្រុងប្រយ័ត្ន ដោយសារចាប់ពីថ្ងៃទី១ ដល់៤ ខែកញ្ញាខាងមុខនេះនឹងមានភ្លៀងធ្លាក់ជាប់ជាបន្តបន្ទាប់ពីបង្គួរទៅច្រើនលាយឡំនឹងបាតុភូតផ្គរ រន្ទះ និងខ្យល់កន្ត្រាក់ ។
យោងតាមសេចក្តីជូនដំណឹងបន្ថែមស្តីពីស្ថានភាពអាកាសធាតុរបស់ក្រសួងធនធានទឹក នៅថ្ងៃទី៣០ ខែសីហា ឆ្នាំ២០២៣ បានឲ្យដឹងថា ដោយយោងតាម ស្ថានភាពវិវត្តនៃអាកាសធាតុ និងព្យាករណ៍បន្តក្រសួងធនធានទឹក និងឧតុនិយម សូមជម្រាបដល់សាធារណជនឲ្យបានជ្រាបថា ចាប់ពីថ្ងៃទី១ ដល់ថ្ងៃទី៤ ខែកញ្ញា នៅតំបន់មាត់សមុទ្រនឹងអាចមានភ្លៀងធ្លាក់ជាប់ជាបន្តបន្ទាប់ពីបង្គួរទៅច្រើន លាយឡំផ្គរ រន្ទះ និងខ្យល់កន្ត្រាក់ ។
ក្រសួងបានឲ្យដឹងដែរថា នៅលើផ្ទៃសមុទ្រមានភ្លៀងខ្យល់បក់បោក និងរលកសមុទ្រខ្ពស់ៗ ។ អាស្រ័យដូចបានជម្រាបជូនខាងលើ សូមសាធារណជនជ្រាបជាព័ត៌មាន និងប្រុងប្រយ័ត្នចំពោះគ្រោះថ្នាក់នានា ដែលអាចកើតមានជាយថាហេតុ ៕
