ចិនដីគោក​ និង ​ហុងកុង ​ប្រកាស​អាស​ន្ន​កម្រិត​ខ្ពស់​បំផុតក្រោយព្យុះ​ទី​ហ្វុ​ង SAOLA

60

​ហុងកុង៖ ចិន​បាន​ចេញ​ការ​ប្រកាស​អាសន្ន​កម្រិត​ខ្ពស់​មួយ កាលពី​ថ្ងៃ​ទី​៣១​សីហា​ នៅពេល​ដែល​ព្យុះ​ទី​ហ្វុ​ង​ដ៏​ខ្លាំង​មួយ​ឈ្មោះ​SAOLA​កំពុង​បោកបក់​សំដៅ​មក​ហុងកុង និង​ភាគ​ខាងត្បូង​ចិនដីគោក​។ ទីក្រុង​ជា​ច្រើន​ពន្យារពេល​ការ​ចូល​រៀន​ជា​វិធានការ​ប្រុង​ប្រយ័ត្ន​។

តាម​អាជ្ញាធរ​ឧតុនិយម​ចិន​ថា ព្យុះ​SAOLA បាន​បោកបក់​ជាមួយ​កម្លាំង​ខ្យល់​ដល់​លើស​ពី​២០០​គីឡូម៉ែត្រ​ក្នុង​១​ម៉ោង នា​ថ្ងៃ​ទី​៣១​សីហា​វេលា​ម៉ោង​១៨​ម៉ោង​ ក្នុងស្រុក​ហើយ​ព្យុះ​នោះ​ស្ថិត​នៅ​ចម្ងាយ ប្រមាណ​ជា​៣៧០​គីឡូម៉ែត្រ ភាគ​អាគ្នេយ៍​ក្រុង​ហុងកុង​។ នា​ថ្ងៃ​ទី​១​កញ្ញា​ព្យុះ​នេះ​បណ្ដាល​ឲ្យ​មាន​ភ្លៀង​ធ្លាក់​ខ្លាំង​និង​ខ្យល់​បោកបក់​ខ្លាំង ដល់់​កម្រិត​គំរាមកំហែង​T8​ក្នុង​កម្រិត​ទាំង​១០​។ ចិនដីគោក​បាន​ចេញ​ការ​ប្រកាស​អាស​ន្ន​កម្រិត​ខ្ពស់​បំផុត​ដល់​កម្រិត​ទី​៤​។

មជ្ឈមណ្ឌល ឧតុនិយម​ជាតិចិន​ព្យាករណ៍​ថា ព្យុះ​នោះ​នឹង​បោកបក់​មក​ដល់​ដែនដី​ក្នុង​តំបន់ឆ្នេរ​សមុទ្រ លាតសន្ធឹង​ពី​ក្រុង​HUILI ដល់​ក្រុង​ហុងកុង​នា​រសៀល​ថ្ងៃ​ទី​១​កញ្ញា​។ ទីភ្នាក់ងារ​ព័ត៌មាន​ចិន​ស៊ី​ន​ហួ​រាយការណ៍​ថា សេវាកម្ម​ផ្លូវដែក​ត្រូវ​ផ្អាក​នៅ​ក្រុង​ក្វា​ង​ទុង​ទាំងមូល ចំណែក​ទីក្រុង​ជា​ច្រើន​នា​ភាគ​ខាងត្បូង​ប្រទេស ពន្យារពេល​ការ​ចូល​រៀន​។

ក្រុមហ៊ុន​អាកាសចរណ៍​KATHAY PACIFIC​ប្រកាស​ពី​ការ​លុប​ចោល​រាល់​ជើងហោះហើរ ចេញ​និង​ចូល​ក្រុង​ហុងកុង​រវាង​ថ្ងៃ​ទី​១​ដល់​ថ្ងៃ​ទី​២​កញ្ញា​។ សាខា​ក្រុមហ៊ុន​នេះ​មួយ​គឹ​ក្រុមហ៊ុន​អាកាសចរណ៍​លក់​សំបុត្រ​ក្នុង​តម្លៃ​ទាប​HK EXPRESS ប្រកាស​ពី​ការ​លុប​ចោល​ជើងហោះហើរ​៧០​ចេញ​និង​ចូល​ក្រុង​ហុងកុង នា​ថ្ងៃ​ទី​១​និង​ទី​២​កញ្ញា​។ ក្រុមហ៊ុន​អាកាសចរណ៍​ដទៃ​ៗ​ទៀត​ក៏​លុប​ចោល​ជើងហោះហើរ​ចេញចូល​ក្រុង​ហុងកុង​ដែរ​។

ព្យុះ​ទី​ហ្វុ​ង​SAOLA​បាន​បង្ខំ​ឲ្យ​មានការ​ជម្លៀស​មនុស្ស​ចេញ​ច្រើន​ពាន់​នាក់​រួច​ហើយ ពេល​វា​បោក​កាត់​ភាគ​ខាងជើង​ហ្វ៊ី​លី​ពី​ន បណ្ដាល​ឲ្យ​មាន​ទឹកជំនន់​តែ​មក​ទាន់​ពេល​នេះ​មិន​ទាន់​មាន​សេចក្ដីរាយការណ៍​ពី​ជន​រង​គ្រោះ​នៅឡើយ​៕

Turbo tech solutions
HQP