រតនគិរី៖ ជនសង្ស័យចំនួន៤នាក់ រួមនឹងសារធាតុញៀន១៩កញ្ចប់តូច-ធំ ត្រូវបាន កម្លាំងនគរបាលនៃអធិការដ្ឋាននគរបាលស្រុកបរកែវ សហការជាមួយកម្លាំងនគរបាល ឃុំឡាមិញបង្ក្រាបឃាត់ខ្លួន និងដកហូត ។
ករណីនេះ សមត្ថកិច្ចធ្វើនៅចំណុចឃ្លាំងចាស់មួយកន្លែង (បរកែវចាស់) ស្ថិតនៅភូមិមួយ ឃុំឡាមិញ ស្រុកបកែវ វេលាម៉ោង១៩និង១៥នាទី ថ្ងៃទី៣០ ខែមេសា ឆ្នាំ២០២១ ។
ជនសង្ស័យមានឈ្មោះ៖
១-ឈ្មោះ ប៉ាក ដាវុធ ហៅ យួន ភេទប្រុស អាយុ ៤0ឆ្នាំ ជនជាតិ ខ្មែរ ស្រុកកំណើត សង្កាត់ច្បារអំពៅ ខណ្ឌមានជ័យ រាជធានីភ្នំពេញ បច្ចុប្បន្នរស់នៅភូមិ យឺន ឃុំ កក់ ស្រុក បរកែវ ខេត្ត រតនគិរី មុខរបរ រត់ម៉ូតូឌុប ។
២-ឈ្មោះ ង្វៀង យ៉ាំងតក់ ភេទប្រុស អាយុ ៣៦ឆ្នាំ ជនជាតិ វៀតណាម ស្រុកកំណើត ភូមិ៦ សង្កាត់អ្នកលឿង ខេត្តព្រៃវែង សព្វបច្ចុប្បន្នរស់នៅភូមិលូត ឃុំទីងចាក់ ស្រុកបរកែវ ខេត្តរតនគិរី មុខរបរ កម្មករ ។
៣-ឈ្មោះ ពៅ សុខជា ភេទប្រុស អាយុ ២៩ឆ្នាំ ជនជាតិខ្មែរ ស្រុកកំណើត សង្កាត់បឹងកេងកង៣ ខណ្ឌចំការមន រាជធានីភ្នំពេញ បច្ចុប្បន្នរស់នៅ ភូមិមួយ ឃុំឡាមិញ ស្រុកបរកែវ ខេត្តរតនគិរី មុខរបរ ធ្វើចំការ ។
៤-ឈ្មោះ អុល វណ្ណដេត ភេទប្រុស អាយុ ២៦ឆ្នាំ ជនជាតិខ្មែរ ស្រុកកំណើត ភូមិពុទ្ធា ឃុំចក ស្រុកអូររាំងឪ ខេត្តត្បូងឃ្មុំ បច្ចុប្បន្នរស់នៅ ភូមិមួយ ឃុំឡាមិញ ស្រុកបរកែវ ខេត្តរតនគិរី មុខរបរកម្មករ ។
សម្ភារៈដកហូតបានរួមមាន ៖ម្សៅក្រាមពណ៌សថ្លាសង្ស័យថាជាសារធាតុញៀន ចំនួន១៩កញ្ចប់, ម៉ូតូ0៣គ្រឿង, កាំភ្លើងកែច្នៃ០១ដើម, ទូរស័ព្ទ ០២គ្រឿង រួមនឹងសម្ភារៈសម្រាប់សេពមួយចំនួន ។
បច្ចុប្បន្ន ជនសង្ស័យរួមវត្ថុតាងឃាត់និងរក្សាទុកបណ្តោះអាសន្ននៅអធការដ្ឋាននគរបាលស្រុកបរកែវ ដើម្បីកសាងសំណុំរឿងបញ្ជូនទៅអយ្យការអមសាលាដំបូងខេត្តចាត់ការតាមច្បាប់ ៕
