ខេត្តបាត់ដំបង៖ ដោយអនុវត្តតាមអនុសាសន៍ដឹកនាំ របស់ឯកឧត្តម ងួន រតនៈ អភិបាលនៃគណៈអភិបាលខេត្តបាត់ដំបង និងជាប្រធានគណៈបញ្ជាការឯកភាពរដ្ឋបាលខេត្តបាត់ដំបង ឯកឧត្តម ណុប ដារ៉ា អភិបាលរងនៃគណៈអភិបាលខេត្តបាត់ដំបង ដោយមានការសម្របសម្រួលលើនីតិវិធីពីឯកឧត្តម គឺ ប៊ុណ្ណារ៉ា ព្រះរាជអាជ្ញាអមសាលាដំបូងខេត្តបាត់ដំបង លោកឧត្តមសេនីយ៍ទោ សាត គឹមសាន ស្នង ការនគរបាលខេត្តបាត់ដំបង បានចាត់តាំងឱ្យកងកម្លាំងនគរបាលនៃស្នងការដ្ឋាននគរបាលខេត្ត ចូលរួមសហការនិងអនុវត្តតាមបញ្ជា ធ្វើការឃាត់ខ្លួនអ្នកប្រព្រឹត្តិល្បែង ស៊ីសង(ភ្នាល់ជល់មាន់តាមអនឡាញ) ចំនួនមួយ ទីតាំងស្ថិតនៅភូមិចំការសំរោង២ សង្កាត់ចំការសំរោង ក្រុងបាត់ដំបង ខេត្តបាត់ដំបង ។
ក្នុងប្រតិបត្តិការកាលពីថ្ងៃទី០២ ខែឧសភា ឆ្នាំ២០២១ សមត្ថកិច្ចបាន ធ្វើការឃាត់ខ្លួនអ្នកប្រព្រឹត្តិចំនួន ១៧នាក់ ព្រមទាំងដកហូតវត្ថុតាងរួមមាន៖
– ទូរទស្សន៍ LCD ម៉ាក Samsung ពណ៌ ខ្មៅ ០១ គ្រឿង
– ឧបករណ៍ ផ្ទុក ទិន្នន័យ កាមេរ៉ា សុវត្ថិភាព ០២ គ្រឿង
– រថយន្ត ចំនួន ០១ គ្រឿង
– ម៉ូតូ ចំនួន ០៥ គ្រឿង
– តុ ចំនួន ០២
– កៅអី មួយ ចំនួន
– កង្ហារ ០១ គ្រឿង
ក្រោយពេលឃាត់ខ្លួន សមត្ថកិច្ចបាននាំពួកគាត់ មកកាន់ស្នងការដ្ឋានធ្វើការសាកសួរ ហើយបច្ចុប្បន្នការិយាល័យជំនាញកំពុងរៀបចំកសាងសំ ណុំរឿងដើម្បីបញ្ជូនអ្នកប្រព្រឹត្តិនិងវត្ថុតាងទៅកាន់សាលាដំបូងខេត្តបាត់ដំបងចាត់ការតាមផ្លូវច្បាប់ ៕
