ស្នងការដ្ឋាន​នគរបាល​ខេត្តកណ្តាល ​បកស្រាយ​បំភ្លឺ​ករណី​ក្មេង​ញៀន​ថ្នាំ​បំផ្លាញ​ផលដំណាំ​និង​លួច​អ្នក​​ភូមិ

196

​ក្រុមការងារ​ព័ត៌មាន​និង​ ប្រតិកម្ម​រហ័ស​ នៃ​ស្នងការដ្ឋាន​នគរបាល​ខេត្តកណ្តាល​ សូម​ធ្វើការ​ឆ្លើយ​តប​ទៅ​នឹង​សារ​ប្រជាពលរដ្ឋ​ (​សូម​មិន​បញ្ចេញ​ឈ្មោះ​)​ មាន​ខ្លឹមសារ​ថា​ ៖​ «​ខ្ញុំបាទ​សូម​គោរព​លោកពូ​ស្នងការ​ខេត្តកណ្តាល​ជាទី​គោរព​ខ្ញុំបាទ​សូម​មិន​បញ្ចេញ​ឈ្មោះ​ សូម​លោកពូ​ជួយ​ដោះស្រាយ​ក្មេង​ញៀន​ថ្នាំ​បី​បួន​នាក់​ពួក​គេ​ដើរ​អុកឡុក​ពេញ​ភូមិ​ប្រជាពលរដ្ឋ​ដាំ​ដំណាំ​អ្វី​មិន​បាន​ហូប​ទេ​ ពួក​គេ​ដើរ​លួច​មិន​ថា​យប់​មិន​ថា​ថ្ងៃ​ ដែល​មា​នទី​តាំងនៅ​ភូមិ​អំពៅព្រៃ​២​ ឃុំ​អំពៅព្រៃ​ ស្រុក​កណ្តាល​ ស្ទឹង​ខេត្តកណ្តាល​។​ »

​ក្រោយ​ពី​ទទួល​បាន​ព័ត៌មាន​នេះ​ភ្លាម​ ដោយ​មានការ​ចង្អុលបង្ហាញ​ពី​ក្រុមការងារ​ប្រតិកម្ម​រហ័ស​នៃ​ស្នងការដ្ឋាន​នគរបាល​ខេត្ត​
​លោក​អធិការ​នគរបាល​ស្រុក​កណ្តាលស្ទឹង​ បាន​បញ្ជា​ឲ្យ​លោកនាយ​ប៉ុស្តិ៍​នគរបាល​រដ្ឋបាល​ អំពៅព្រៃ​ ចុះ​ទៅ​ស្រាវជ្រាវ​រក​ទីតាំង​ខាងលើ​ ។​

​ជា​លទ្ធផល​ ៖​ នៅ​ថ្ងៃ​ទី​០៤​ ខែ​ ឧសភា​ ឆ្នាំ​២០២១​ វេលា​ម៉ោង​៧:៣០​នាទី​ កម្លាំង​ប៉ុស្តិ៍​នគរបាល​រដ្ឋបាល​អំពៅព្រៃ​ បាន​ទៅ​ពិនិត្យ​ទីតាំង​ខាងលើ​ ឃើញ​ថា​ ៖​ មាន​ទួល​ចម្ការ​បន្លែ​មួយ​កន្លែង​ស្ថិត​នៅ​ខាងជើង​ភូមិ​ចំងាយ​ប្រហែល​ ៣០០​ម៉ែត្រ​ ដែល​ ពី​មុន​ប្រជាពលរដ្ឋ​ធ្លាប់​ដាំ​បន្លែ​ ត្រសក់​ ត្រកួន​ និង​ធ្លាប់​មាន​ក្មេង​ញៀន​ថ្នាំ​ចូល​លួច​បេះ​ លួច​ដក​ និង​បំផ្លិចបំផ្លាញ​ពិតប្រាកដ​មែន​។​

​បច្ចុប្បន្ន​នេះ​ទីតាំង​ខាងលើ​នោះ​ពុំ​ទាន់​បាន​ដាំ​ដុះ​ដំណាំ​បន្លែ​អ្វី​នៅឡើយ​ទេ​ គឺ​ទទេ​ស្អាត​ មាន​តែ​ស្មៅ​ដុះ​ខៀវស្រងាត់​ ។​ កន្លង​មក​ កម្លាំង​ប៉ុស្តិ៍​នគរបាល​រដ្ឋបាល​អំពៅព្រៃ​ ដឹកនាំ​ ដោយ​លោក​វរសេនីយ៍ត្រី​ បូ​ ចំរើន​ បាន​ដឹកនាំ​កម្លាំង​ចេញ​ល្បាត​តាម​ភូមិ​ សាស្ត្រ​ងាយ​រង​គ្រោះជា​ប្រចាំ​ ។​ ដោយឡែក​ ក្រុម​ក្មេងៗ​ញៀន​ ថ្នាំ​ដែល​ជា​មុខសញ្ញា​ធ្លាប់​លួច​ចូល​បេះ​បន្លែ​ និង​បំផ្លិចបំផ្លាញ​របស់​អ្នក​ភូមិ​ទាំង​ នោះ​ ត្រូវ​បាន​កម្លាំង​ប៉ុស្តិ៍​នគរបាល​រដ្ឋបាល​អំពៅព្រៃ​ សហការ​ជាមួយ​កម្លាំង​ផ្នែក​ ព្រហ្មទណ្ឌ​ស្រុក​ឃាត់ខ្លួន​កសាង​សំណុំរឿង​តាម​នីតិវិធី​ច្បាប់​បញ្ជូន​ទៅ​ពន្ធនាគារ​ខេត្ត​ កណ្ដាល​ ចំនួន​០២​នាក់​ មាន​ដូច​ខាងក្រោម​ ៖​

១-​ថ្ងៃ​ទី​១៦​ ខែកុម្ភៈ​ ឆ្នាំ​២០២១​ ឃាត់ខ្លួន​ឈ្មោះ​ ប៉ាន់​ ចាន់​ថន​ ភេទ​ប្រុស​ ពី​ បទ​«​ហិង្សា​ក្នុង​គ្រួសារ​ »​។​

២-​ថ្ងៃ​ទី​០៦​ ខែមេសា​ ឆ្នាំ​២០២១​ បាន​ឃាត់ខ្លួន​ឈ្មោះ​ ប៉ាន់​ ពៅ​ ភេទ​ប្រុស​ ពី​បទ​ អំពើ​លួច​មាន​ស្ថាន​ទម្ងន់ទោស​ «​ឆក់​ទូរស័ព្ទ​ »​ ចំណែក​បក្ខពួក​ ដែល​សេសសល់​ កម្លាំង​ប៉ុស្តិ៍​នគរបាល​រដ្ឋបាល​អំពៅព្រៃ​ និង​កម្លាំង​ផ្នែក​ព្រហ្មទណ្ឌ​ ស្រុក​ កណ្តាល​ ស្ទឹង​ និង​ស្វែងរក​ដើម្បី​ចាត់ការ​តាម​នីតិវិធី​ច្បាប់​ ។​

​អាស្រ័យ​ហេតុនេះ​ សូម​សាធារណជន​ មេត្តា​ជ្រាប​ជា​ព័ត៌មាន​ និង​កុំ​មានការ​ភ័ន្ត​ច្រឡំ​ ៕

Turbo tech solutions
HQP