បាត់ដំបង ៖ នៅថ្ងៃទី០៧ ខែឧសភា ឆ្នាំ២០២១ វេលាម៉ោង ១៧និង៣០នាទី នៅចំណុចភូមិគោកដូង ឃុំពាមឯក ស្រុកឯកភ្នំ ខេត្តបាត់ដំបង កម្លាំងផ្នែកប្រឆាំងគ្រឿងញៀន នៃអធិការដ្ឋាននគរបាលស្រុកឯកភ្នំ បានចុះអនុវត្តដីកាបង្គាប់ឲ្យចាប់ឃុំខ្លួន លេខ៦០២ត.ព្រ ចុះថ្ងៃទី១៤ ខែកក្កដា ឆ្នាំ ២០២០ របស់លោក អ៊ី សុវណ្ណ ចៅក្រមស៊ើបសួរនៃសាលាដំបូងខេត្តបាត់ដំបង លើជនជាប់ចោទឈ្មោះ ពឿន សុផាត ភេទប្រុស អាយុ ៣៦ឆ្នាំ មានទីលំនៅភូមិគោកដូង ឃុំពាមឯក ស្រុកឯកភ្នំ ខេត្តបាត់ដំបង។
ជនជាប់ចោទខាងលើត្រូវបានតុលាការចោទប្រកាន់ពីបទជួញ ដូរដោយខុសច្បាប់នូវសារធាតុញៀន ប្រព្រឹត្តនៅចំណុចភូមិតាព្រួច សង្កាត់ក្តុលដូនទាវ ក្រុងបាត់ដំបង កាលពីថ្ងៃទី០៧ ខែឧសភា ឆ្នាំ ២០២០។
ករណីខាងលើ នគរបាលជំនាញបានបញ្ជូនជនជាប់ចោទខាងលើទៅសាលាដំបូងខេត្ត ដើម្បីចាត់ការបន្តតាមផ្លូវច្បាប់ ៕
