កោះកុង ៖បុរសម្នាក់បានស្លាប់ពេលបញ្ជូនទៅសង្គ្រោះនៅមណ្ឌលសុខភាពថ្មស ក្នុងហេតុការណ៍គ្រោះថ្នាក់ចរាចរណ៍រវាងម៉ូតូ និងរថយន្ត នៅថ្ងៃទី០៥ ខែមិថុនា ឆ្នាំ២០២១ វេលាម៉ោង១៩និង៣០នាទី ស្ថិតលើផ្លូវក្រួសក្រហម ស្ថិតក្នុងភូមិថ្មស ឃុំថ្មស ស្រុកបូទុមសាគរ ខេត្តកោះកុង។
ជនរងគ្រោះឈ្មោះ ភឿន យៀត ភេទប្រុស អាយុ៤២ឆ្នាំ ជនជាតិខ្មែរ មានទីលំនៅភូមិ ស្រែត្រាវ ឃុំថ្មស ស្រុកបុទុមសាគរ ខេត្តកោះកុង (ស្លាប់ ពេលបញ្ជូនដល់មណ្ឌលសុខភាពថ្មស) ។
សេចក្តីរាយការណ៍បន្តថា មុនពេលកើតហេតុ ភាគីម៉ូតូម៉ាកវីវ៉ា ពណ៌ខ្មៅ គ្មានស្លាកលេខ ធ្វើដំណើរក្នុងទិសដៅពីជើងទៅត្បូង ។ លុះមកដល់ចំណុចកើតហេតុ បានប៉ះទង្គិចជាមួយរថយន្ត០១គ្រឿង (មិនស្គាល់អត្តសញ្ញាណ) ក្នុងទិសដៅផ្ទុយគ្នា ក្រោយកើតហេតុបានបើករថយន្តរត់គេចខ្លួនបាត់។
បច្ចុប្បន្ន ម៉ូតូសមត្ថកិច្ចយកទៅរក្សាទុកនៅប៉ុស្តិ៍នគរបាលរដ្ឋបាលឃុំថ្មស ៕
