កំពង់ស្ពឺ៖ បុរសម្នាក់បានស្លាប់នៅកន្លែងកើតហេតុ ក្នុងហេតុការណ៍គ្រោះថ្នាក់ចរាចរណ៍ រវាងរថយន្តនិងម៉ូតូ ខណៈកំពុងធ្វើដំណើរបញ្ច្រាសទិសគ្នា ។
ករណីនេះកើតឡើងនៅថ្ងៃសុក្រ២កើតខែបឋមាសាឍ ឆ្នាំឆ្លូវ ត្រីស័ក ព.ស.២៥៦៥ ត្រូវនឹងថ្ងៃទី១១ ខែមិថុនា ឆ្នាំ២០២១ វេលាម៉ោង២៤និង០០នាទី នៅលើផ្លូវជាតិលេខ៤ ចន្លោះគីឡូម៉ែត្រលេខ៤៣-៤៤ ត្រង់ចំណុចភូមិរលាំងសង្កែ សង្កាត់សុព័រទេព ក្រុងច្បារមន ខេត្តកំពង់ស្ពឺ ។
សមត្ថកិច្ចបានឲ្យដឹងថា រថយន្តប្រភេទកុងតឺន័រ ពាក់ស្លាកលេខភ្នំពេញ 3C- 7737 សណ្តោងរ៉ឺម៉ក ពាក់ស្លាកលេខភ្នំពេញ 4A- 0038 ។
សមត្ថកិច្ចបន្តថា មុនពេលកើតហេតុបានធ្វើដំណើរ ពីកើតទៅលិច លុះពេលបើកមកដល់ចំណុចខាងលើ បានទៅបុកម៉ូតូម៉ាកហុងដាគុបមូល ពាក់ស្លាកលេខភ-០245 ភព1 កំពុងធ្វើដំណើរពីលិចទៅកើត បើកបរឈ្មោះ ទូច សុភាព ភេទប្រុស អាយុ ៤១ឆ្នាំ រស់នៅភូមិចំបក់ ឃុំវល្លិ៍ស ស្រុកសំរោងទង ខេត្តកំពង់ស្ពឺ បណ្តាលឲ្យស្លាប់នៅកន្លែងកើតហេតុ ។ ចំណែកអ្នកបើកបររថយន្ត បន្ទាប់ពីកើតហេតុភ្លាមៗ បានរត់គេចខ្លួនបាត់ ។
ករណីនេះ សមត្ថកិច្ចបានចុះធ្វើការវាស់វែង នាំយកមធ្យោបាយទាំង២គ្រឿងមករក្សាទុកបណ្តោះអាសន្ន ដើម្បីដោះស្រាយតាមនីតិវិធី ។ រីឯសាកសពបានប្រគល់ជូនក្រុមគ្រួសារយកទៅធ្វើ បុណ្យបានប្រពៃណី ៕
