យុទ្ធសាស្ត្រចំនួន០៦ ដែលរាជដ្ឋាភិបាលកម្ពុជាដាក់ចេញដើម្បីប្រយុទ្ធ និងទប់ស្កាត់ការឆ្លងរាលដាលជំងឺកូវីដ១៩

116

(ភ្នំពេញ)៖ ការថ្លែងរបស់សម្តេចតេជោ ហ៊ុន សែន ធ្វើឡើងក្នុងពិធីប្រគល់-ទទួលវ៉ាក់សាំងកូវីដ-១៩ ដែលជាជំនួយរបស់រដ្ឋាភិបាលជប៉ុន
នៅអាកាសយានដ្ឋានអន្តរជាតិភ្នំពេញ នាយប់ថ្ងៃទី ២៣ ខែកក្កដា ឆ្នាំ ២០២១ បានបញ្ជាក់ថា ដើម្បីប្រយុទ្ធ និងទប់ស្កាត់ការឆ្លងរាលដាលនៃជំងឺកូវីដ១៩ រាជដ្ឋាភិបាលកម្ពុជា បានដាក់ចេញនូវយុទ្ធសាស្ត្រសំខាន់ៗ និងចាំបាច់ចំនួន០៦ ដែលរំពឹងអាចឈានទៅដល់ការវិលត្រឡប់ឱ្យបានឆាប់រហ័ស ទៅរក «ប្រក្រតីភាពថ្មី» នៃជីវភាពរស់នៅប្រចាំថ្ងៃរបស់ប្រជាពលរដ្ឋកម្ពុជាទូទៅ និងកិច្ចដំណើរការនៃវិស័យសង្គម-សេដ្ឋកិច្ច។

យុទ្ធសាស្ត្រចំនួន០៦ ដើម្បីប្រយុទ្ធ និងទប់ស្កាត់ការឆ្លងរាលដាលនៃជំងឺកូវីដ១៩ របស់រាជដ្ឋាភិបាលកម្ពុជា បានដាក់ចេញរួមមាន៖
១៖ បន្តទប់ស្កាត់ការនាំចូលនូវមេរោគកូវីដ-១៩ បំប្លែងថ្មី
២៖ កាត់បន្ថយទំហំតំបន់ឆ្លង និងចំនួនឆ្លងឱ្យមានកម្រិតទាប
៣៖ បន្តខិតខំព្យាបាលអ្នកឆ្លងឱ្យបានជាសះស្បើយ និងកាត់បន្ថយអត្រាអ្នកស្លាប់
៤៖ រុករក និងគ្រប់គ្រងករណីពាក់ព័ន្ធនឹងជំងឺកូវីដ-១៩
៥៖ ការរៀបចំបូជាសព និងបញ្ចុះសពអ្នកស្លាប់ឱ្យបានល្អប្រសើរ
៦៖ ជំរុញយុទ្ធនាការចាក់វ៉ាក់សាំង។

សម្តេចតេជោបន្តថា គិតត្រឹមថ្ងៃទី២២ ខែកក្កដា ឆ្នាំ២០២១ រាជរដ្ឋាភិបាលបានចាក់វ៉ាក់សាំង ជូនប្រជាជនគ្រប់រូប ដែលមានអាយុចាប់ពី១៨ ឆ្នាំឡើងទៅ បានចំនួន៦៤.៥៥% ធៀបជាមួយចំនួនប្រជាជនគោលដៅ១០លាននាក់៕

Turbo tech solutions