ប្រេសិត​ពិសេស​របស់​សហរដ្ឋអាមេរិក​ ប្រាប់​ក្រុមប្រឹក្សាសន្តិសុខ​ឲ្យ​ធ្វើ​សកម្មភាព​ដើម្បី​ចៀសវាង​ “​ការ​បង្ហូរឈាម​”​ នៅ​ក្នុង​ប្រទេស​មី​យ៉ា​ន់​ម៉ា​

121

សារព័ត៌មានWASHINGTON​ (Reuters)​ បានអោយដឹងថាកាលពី​ថ្ងៃ​ពុធ​ ប្រេសិត​ពិសេស​របស់​អង្គការសហប្រជាជាតិ​ទទួល​បន្ទុក​ប្រទេស​ភូមា​ លោកស្រី​ Christine​ Schraner​ Burgener​ បាន​ប្រាប់​សម័យប្រជុំ​នៃ​ក្រុមប្រឹក្សាសន្តិសុខ​អង្គការសហប្រជាជាតិ​ថា​ “​មានការ​បង្ហូរឈាម​មួយ​ជិត​មក​ដល់​”​ ដោយសារ​តែ​ការ​បង្ក្រាប​របស់​យោធា​កាន់តែ​ខ្លាំង​ឡើង​ទៅ​លើ​ក្រុម​បាតុករ​ប្រឆាំង​នឹង​រដ្ឋប្រហារ​ ។​

លោកស្រី​ Schraner​ Burgener​ បាន​ប្រាប់​សម័យប្រជុំ​ចុង​ក្រោយ​របស់​ក្រុមប្រឹក្សាសន្តិសុខ​ដែល​មាន​សមាជិក​ ១៥​ ប្រទេស​ថា​ យោធា​ដែល​បាន​ដណ្តើម​អំណាច​នៅ​ក្នុង​ប្រទេស​ មី​យ៉ា​ន់​ម៉ា​កាលពី​ថ្ងៃ​ទី​ ១​ ខែកុម្ភៈ​មិន​មាន​សមត្ថភាព​ក្នុង​ការ​គ្រប់គ្រង​ប្រទេស​ទេ​ ហើយ​បាន​ព្រមាន​ថា​ស្ថានភាព​ជាក់ស្តែង​នឹង​កាន់តែ​អាក្រក់​ទៅៗ​ នេះ​បើ​យោង​តាម​ការ​អត្ថាធិប្បាយ​ដែល​បាន​ផ្តល់​ទៅ​អ្នក​សារព័ត៌មាន​ ។​

​លោកស្រី​បាន​និយាយ​ថា​ “​ការ​ពិចារណា​រាល់​មធ្យោបាយ​ដែល​មាន​ដើម្បី​ចាត់វិធានការ​រួម​ និង​ធ្វើ​អ្វី​ដែល​ត្រូវ​អ្វី​ហើយ​ដែល​ប្រជាជន​មី​យ៉ា​ន់​ម៉ា​សម​នឹង​ទទួល​បាន​ និង​ការ​បង្កា​មហន្តរាយ​ដល់​គ្រប់​វិស័យ​នៅ​ក្នុង​ប្រទេស​ស្ថិត​នៅ​ចំ​កណ្តាល​ទ្វីបអាស៊ី​នេះ​”​ ។​

លោកស្រី​ Schraner​ Burgener​ បាន​និយាយ​ថា​ក្រុមប្រឹក្សា​ត្រូវ​តែ​ពិចារណា​លើ​ “​សកម្មភាព​សំខាន់​ដ៏​មាន​សក្តានុពល​”​ ដើម្បី​ធ្វើ​ឱ្យ​ព្រឹត្តិការណ៍​ត្រលប់​ទៅ​រក​ស្ថានភាព​ដើម​វិញ​ ដោយហេតុ​ថា​ “​ការ​បង្ហូរឈាម​នឹង​ជិត​មក​ដល់​”​ ។​

​ប្រទេស​អង់គ្លេស​បាន​ស្នើ​សុំ​ឲ្យ​មានការ​ប្រជុំ​នៅ​ឯ​អង្គការសហប្រជាជាតិ​នៅ​ទីក្រុង​ញូ​វ​យ៉​ក​ដើម្បី​ឆ្លើយ​តប​នឹង​អំពើ​ហិង្សា​ដែល​កាន់តែ​អាក្រក់​ទៅ​នៅ​ក្នុង​ប្រទេស​មី​យ៉ា​ន់​ម៉ា​។​

​បើ​យោង​តាម​របាយការណ៍​របស់​សមាគម​ជំនួយ​សម្រាប់​អ្នកទោស​នយោបាយ​ យ៉ាង​ហោច​ណា​ស់មានជន​ស៊ី​វិល​ ៥២១​ នាក់​ត្រូវ​បាន​សម្លាប់​នៅ​ក្នុង​ការ​តវ៉ា​ប្រឆាំង​នឹង​រដ្ឋប្រហារ​ ដែល​ក្នុង​ចំណោម​នោះ​មាន​ ១៤១​ នាក់​បាន​ សម្លាប់​កាលពី​ថ្ងៃ​សៅរ៍​ដែល​ជា​ថ្ងៃ​បង្ហូរឈាម​ដ៏​ធំ​បំផុត​។​

​បន្ថែម​ពី​នេះ​ ការ​ប្រយុទ្ធ​គ្នា​ក៏​បាន​ផ្ទុះ​ឡើង​រវាង​កងទ័ព​ និង​ក្រុម​បះបោរ​ជនជាតិភាគតិច​នៅ​តាម​តំបន់​ព្រំដែន​។​ ជនភៀសខ្លួន​ដែល​ភៀសខ្លួន​ចេញពី​ភាព​ចលាចល​ទាំងនោះ​កំពុង​ស្វែងរក​សុវត្ថិភាព​នៅ​ក្នុង​ប្រទេស​ជិតខាង​ ៕

Turbo tech solutions